Nga data29 shtator deri më 2 tetor 2012, në Junik u mbajt trajnim për përgatitjen e ushqimit tradicional. Nëpër trajnim kaluan më shumë se 20 vajza dhe gra. Trajnimi u organizua në bashkëpunim me organizatën e grave “Rrënja” nga Juniku.

Në program apo meny u gjendën disa ushqime tradicionale si: Gullashi tradicional, Speca të mbushur, Shiftelija, Fli, Leqenik, Tespisht, Mazë e zier, Pite me rrathë, tespishte kallamoqe, Mantija, Jahni dhe Sheqer pare.

Përgatitja e ushqimit ishte nën drejtimin e anëtareve me përvojë të organizatës Rrënja, Mirishane Krasniqi dhe Ganimete Jasiqi. Ato me vajzat e interesuara kanë ndarë reçetat e tyre, dhe pastaj u treguan praktikisht se përgatiten disa nga ushqimet.

"Edhe deri më tani kam përgatitur ushqim tradicional," thotë Elida Shala, vajzë 18 vjeçare nga Juniku, "nëna ime është mësuesja e parë në këto aftësi," shton ajo me një buzëqeshje. "Megjithatë, në trajnim kam pasur mundësi për të mësuar diçka të re dhe unë besoj se unë mund ta përdori," tha ajo, duke shtuar se përgatitjen e ushqimeve tradicionale nuk e konsideron të vështirë. Edhe për Syhana Cocaj nga Deçani kjo nuk është përvoja e parë. "Më pëlqen trajnimi, edhe pse shumicën nga ushqimet që janë pjesë e menys tradicionale i kam përgatitur. Sot kam mësuar për të bërë 'tespishte' ja këtë deri tani nuk e kam bërë ", tha ajo, duke shtuar se shumica e vajzave në këtë rajon kanë ndonjë përvojë në përgatitjen e pjatave tradicionale. "Një pjesë e traditës është, ndër të tjera, të dinë se si të përgatisin këto ushqime para se ata të shkojnë në shtëpinë e burrit", tha Syhana. "Më pëlqen shumë kuzhina jonë tradicionale, unë dua ta përgatitis dhe unë dua ta provoj atë," tha duke qeshur Shemsije Hoxha anëtare në organizatën Rrënja dhe shton, "natyrisht, në kohët e fundit kjo mund të shihet edhe si një biznes, ne në organizatë ofrojmë përgatitjen e pjatave tradicionale për kompanitë, institucionet të cilat kanë nevojë kur organizojnë evenimente ", thotë ajo.

Husnie Ajetaj nga rrethi i Istogut nuk ka pasur deri tani mundësi që të përgatitë ushqim tradicional. "Nëna ime ishte një grua e vjetër, dhe nuk kisha nga kush të mësoj", thotë ajo dhe shton se trajnimi është një mundësi e madhe për të plotësuar këtë. "Unë dua që vajzat të mësojnë gjëra të reja, kjo i bën ata më të kualifikuara dhe rrit mundësitë për të gjetur punë," tha Mevlide Ahmetaj, kryetare e organizatës për emancipimin e grave në Istog. "Dy vajza, në sajë të kurseve të kryera që realizon organizata arritën që të punësohen", thotë ajo dhe shton se ka shumë vajza dhe gra të cilët do të ishin të interesuar në trajnime të tilla.

Për vajzat kjo ishte përvojë interesante e mësimit në grup dhe praktikim i kuzhinës tradicionale. Ato shkëlqyeshëm u gjindën edhe në përgatitjen dhe shtrimin e tryezës.